Cofnodion Cryno

Yn bresennol

Categori	Enwau
Aelodau’r Cynulliad:	Dai Lloyd AC (Cadeirydd) Dawn Bowden AC Jayne Bryant AC Angela Burns AC Rhun ap Iorwerth AC Caroline Jones AC Julie Morgan AC Lynne Neagle AC
Tystion:	Mario Kreft, Fforwm Gofal Cymru Mary Wimbury, Fforwm Gofal Cymru
Staff y Pwyllgor:	Sarah Beasley (Clerc) Sarah Sargent (Dirprwy Glerc) Gareth Pembridge (Cynghorydd Cyfreithiol) Philippa Watkins (Ymchwilydd) Dr Paul Worthington (Ymchwilydd)

Trawsgrifiad

Gweld trawsgrifiad o’r cyfarfod (PDF 283KB) Gweld fel HTML (141KB)

1 Cyflwyniad, ymddiheuriadau, dirprwyon a datgan buddiannau

1.1 Croesawodd y Cadeirydd yr Aelodau i’r cyfarfod.

2 Ymchwiliad i barodrwydd ar gyfer y gaeaf 2016/17 - sesiwn dystiolaeth gyda Fforwm Gofal Cymru

2.1 Cafodd y Pwyllgor dystiolaeth gan Fforwm Gofal Cymru.

3 Papurau i’w nodi

3.1 Llythyr oddi wrth Ysgrifennydd y Cabinet dros Iechyd, Llesiant a Chwaraeon a Gweinidog Iechyd y Cyhoedd a Gwasanaethau Cymdeithasol mewn perthynas â chamau dilynol o gyfarfod 15 Medi

3.1.a Nododd y Pwyllgor y llythyr oddi wrth Ysgrifennydd y Cabinet dros Iechyd, Llesiant a Chwaraeon a Gweinidog Iechyd y Cyhoedd a Gwasanaethau Cymdeithasol.

4 Cynnig o dan Reol Sefydlog 17.42 i benderfynu gwahardd y cyhoedd o weddill y cyfarfod ac ar gyfer eitem 1 o’r cyfarfod ar 3 Tachwedd i baratoi i graffu ar gyllideb ddrafft Llywodraeth Cymru 2017/18

4.1 Derbyniodd y Pwyllgor y cynnig.

5 Ymchwiliad i barodrwydd ar gyfer y gaeaf 2016/17 – trafod y dystiolaeth a roddwyd yn ystod y cyfarfod heddiw ac yn y cyfarfodydd ar 29 Medi a 5 Hydref

5.1 Trafododd y Pwyllgor yr holl dystiolaeth a gafwyd mewn perthynas â'r ymchwiliad i barodrwydd ar gyfer y gaeaf, a chytunodd i ysgrifennu at Ysgrifennydd y Cabinet dros Iechyd, Llesiant a Chwaraeon cyn y sesiwn dystiolaeth gydag ef ar 17 Tachwedd, yn amlinellu'r prif themâu sy'n codi.

6 Trafod deiseb P-04-682 Sgrinio Rheolaidd ar gyfer Diabetes Math 1 mewn Plant a Phobl Ifanc

6.1 Cafodd y Pwyllgor drafodaeth bellach ynghylch Deiseb P-04-682 y Pwyllgor a chytunodd i ysgrifennu at Rwydwaith Diabetes Plant a Phobl Ifanc Cymru i ofyn am y wybodaeth ddiweddaraf am y camau i wella'r canlyniadau ar gyfer plant a phobl ifanc sydd â diabetes math 1 yng Nghymru. Cytunodd y Pwyllgor y gallai'r ymateb gan y Rhwydwaith fod yn sail i lythyr at Ysgrifennydd y Cabinet dros Iechyd, Llesiant a Chwaraeon.

6.2 Hefyd, nododd y Pwyllgor astudiaeth sy'n mynd rhagddo yn yr Almaen i ystyried a yw rhaglen sgrinio ar gyfer diabetes math 1 yn ymarferol ar draws poblogaeth fawr, a chytunodd i gynnal ymchwiliad byr i adolygu canlyniadau'r astudiaeth pan fydd yn cael ei chwblhau yn 2017.

7 Trafod deiseb P-04-532 Gwella Gwasanaethau Niwrogyhyrol Arbenigol yng Nghymru

7.1 Cafodd y Pwyllgor drafodaeth bellach ynghylch Deiseb P-04-532 a nododd fod y Cynllun Cyflawni ar gyfer Cyflyrau Niwrolegol i'w adnewyddu yn 2017. Cytunodd y Pwyllgor i ysgrifennu at Ysgrifennydd y Cabinet dros Iechyd, Llesiant a Chwaraeon i ofyn am y diweddaraf ynghylch yr amcanion perthnasol a'r camau penodol y mae Llywodraeth Cymru yn eu cymryd.

8 Trafod y llythyr gan y Pwyllgor Busnes: Yr amserlen ar gyfer Bil Iechyd y Cyhoedd

8.1 Trafododd y Pwyllgor y llythyr gan y Pwyllgor Busnes a nododd yr amserlen arfaethedig.

Cofnodion cryno - Y Pwyllgor Iechyd, Gofal Cymdeithasol a Chwaraeon